• Inside Out útivistarþjálfun

    Inside Out er alþjóðlegt samstarfsverkefni Tækifærisins um útivistarþjálfun ungra innflytjenda. Innflytjendur og ráðgjafar þeirra frá Þýskalandi, Írlandi og Íslandi hafa verið í þjálfun hér á landi síðan 23. - 30. apríl. Þetta hefur verið alveg meiriháttar, veðrið dásamlegt og stemningin einstök. Fengum alþjóðlegan útivistargúru, Gerrit Onstein og íslenkan útivistarkennara Ingu Ævarsdóttur. Þá kom til okkar á netspjall okkar nýji doktor í útivistarfræðum Dr. Jakob Frímann Þorsteinsson. Við Hrönn systir tókum að okkur eldamennsku á Úlfljótsvatni og fengum einu sinni sundfrí á meðan fólk grillaði á eldi sem kveiktur var án hefðbundinna eldfæra. Já ég veit ekki hvað á að segja annað en takk #Erasmusplus og #Rannís fyrir að hafa trú á verkefninu. Því er ekki lokið þar sem við munum í haust kynna afrakstur vinnunnar, en áður en til útivistarinnar kom gerðum við skoðananakönnum í löndunum þremur, tókum ítarleg viðtöl við sérfræðinga og ræddum málið í við markhópinn í rýnihópum. Já þetta er alvöru og núna finnst mér að hver stund í öllum undirbúninginum og skriffinnkan hafi verið þess virði. Ég á bara eitt stórt 😉 enda hjálpaði til að hafa einn jákvæðan heavy metal búálf (sjáið mynd) og alla hina skemmtilegu karekteranna.Description goes here

  • Fréttir af janúar - mars hóp

    Vá - loks á að endurvekja heimasíðu Tækifærisins - orkan fór í námskeiðshald og vinnutengingu þátttakenda. Myndin er tekin í heimsókn á Reðursafnið, sem var valið af þátttakendum, ekki af Björk sem þó flestir halda ;-).

    Í samvinnu við Vinnumálastofnun hófu 17 þátttakendur starf með okkur um miðjan janúar en 5 helltust úr lestinni. Af þeim 12 sem kláruðu námskeið eru nú í byrjun apríl 8 komnir með vinnu og einn fór aftur til síns upprunalands. Nú er verið að leita að rétta tækifærinu fyrir þá sem eftir standa og erum við bjartsýn - það er staður og verkefni fyrir alla í samfélaginu.

  • Inside Out - rannsóknarhluti Íslands

    Hér má nálgast rannsóknarskýrslu Tækifærisins sem er fyrsti hluti Inside Out, samstarfsverkefni okkar með Culture Goes Europe í Þýskalandi og Eurobug á Írlandi.

    Kíkið á niðurstöður rýnihóps, rannsóknarviðtala og spurningarkönnunar

  • 29.12.2023

    Næsta námskeið

    15. janúar 2024 hefst næsta námskeið Tækifærisins í samvinnu við Vinnumála-stofnun. Um er að ræða 6 vikna námskeið þar sem ungt atvinnulaust fólk af erlendum uppruna fær fræðslu um íslenskt samfélag og íslenskan vinnumarkað um leið og unnið er með persónulegar áskoranir þátttakenda bæði með einstaklingsvinnu og í hópstarfi.

  • Tækifærið flyst í Síðumúla 6

    Tækifærið mun 1. janúar 2024 flytja starf sitt til Hugarafls í Síðumúla 6. Við leigjum af Hugarafli bæði skrifstofu og viðtalsaðstöðu og stærra rými til hópstarfs. Okkur hlakkar til að vinna með þátttakendum í Hugarafli sem eiga það sameiginlegt með okkur að takast á við ýmsar áskoranir í lífinu sem sumar eru af geðrænum toga.

  • 6 vikna námskeið

    Vinnumálastofnun hefur ákveðið að semja við Starfstækifærið um 6 vikna námskeið Tækifærisins sem hefjast á í janúar 2024.

Tækifærið býður upp á námskeið og starfsþjálfun fyrir ungt fólk af erlendum uppruna sem hvorki er virkt í vinnu né námi. Markmiðið er að veita innsýn í íslenskt samfélag og íslenskan vinnumarkað, um leið og unnið er að andlegri, líkamlegri og félagslegri uppbyggingu. Þátttakendur fá aðstoð við atvinnuleit og eftirfylgd á vinnumarkaði eins og þurfa þykir.

Tækifærið er fyrir þau sem vilja breyta lífi sínu til batnaðar og verða aftur virk í vinnu.

Tækifærið er í samstarfi við Vinnumálastofnun sem vísar til okkar fólki sem þarf og vill fá okkar tækifæri.

Tækifærið er rekið án hagnaðarsjónarmiða.

Um Tækifærið

Inside Out
Evrópskt samstarfsverkefni

Tækifærið, í samvinnu við Culture Goes Europe (hér eftir CGE) í Erfurt í Þýskalandi Culture Goes Europe (cge-erfurt.org) og Eurobug á Írlandi Eurobug (eurobug-int.org), stendur fyrir verkefninu Inside Out. Markmið þess er að þróa útivist sem aðferð í vinnu með ungum innflytjendum í NEET aðstæðum. Í samvinnu við aðra sem vinna með ungum innfytjendum viljum við þróa áhrifaríkar aðferðir í náttúrunni, langt utan veggja stofnana, sem geta bætt geðræna og líkamlega heilsu.

Tilgangur útivistar er einnig að efla seiglu og getu til að takast á við margvíslegar áskoranir og þróa með þátttakendum teymis- og samfélagsvinnu.

Hægt er að kynna sér verkefnin frekar á heimasíðum þeirra:

Inside Out — Eurobug

Our projects – Culture Goes Europe

  • "I am very grateful for this experience. It highlighted the strengths that I can work with more."

    Þátttakandi

  • "Þeir sem ekki eiga mömmu eins og ég átti - þurfa svona félagsráðgjafa eins og mig - sem stundum er kölluð mamma stáltá."

    Björk

  • "I was happy with everything, we worked, we learned a lot, I suffered from anxiety but it disappeared, the best thing that happened to me in Iceland, perfect, I would recommend the resort to everyone."

    Þátttakandi

  • "The Opportunity was a major one. The staff was great. I gained experience, received encouragement, recommendations and joy, I thank everyone who made The Opportunity possible."

    Þátttakandi

Hittu teymið

  • BJÖRK

    Björk er félagsáðgjafi og stofnandi Tækifærisins. Hún vinnur náið með hverjum og einum þátttakanda og heldur utan um verkefnið í heild sinni.

    bjorkvilhelms@gmail.com

  • JÓN EYÞÓR

    Jón Eyþór er rafvirki með meistargráðu í skóla lífsins. Hann leiðir verklega starfsþjálfun og er stórkostleg fyrirmynd um hvað er mögulegt þegar ábyrgð er tekin á eigin lífi.

    6926953@gmail.com

  • KACPER

    Kacper tók þátt í fyrsta hópi Tækifærisins og sinnir nú hlutverki jafningaráðgjafa, enda góður í að deila reynslu sinni.

    kacperbarwiak98@gmail.com

  • AMADEUSZ

    Amadeusz tók þátt í öðrum hópi Tækifærisins og er núna jafningjaráðgjafi fyrir nýja þátttakendur.

    thebwxy@gmail.com

  • LISA

    Í leyfi.

    Lisa er hollenskur leikari með meistarapróf í sálfræði. Hún sinnir útivist, hreyfingu, líkamsrækt og vinnustofum þar sem unnið er með aðferðum listarinnar.

    lisa-nienhuis@hotmail.com

Okkar markmið

Markmið Tækifærisins er að þátttakendur :

  • Öðlist betri andlega, líkamlega og félagslega heilsu

  • Auki skilning sinn á íslensku samfélagi og íslenskum vinnumarkaði

  • Læri að takast á við persónulegar áskoranir og uppgötvi styrk sinn til að gera breytingar

  • Taki virkan þátt á vinnumarkaði og móti sér stefnu til að auka færni sína og eða menntun

Tækifærið býður upp á 6 vikna námskeið um íslenskt samfélag og vinnumarkað, ásamt einstaklings- og hópverkefnum sem snúa að persónulegum áskorunum ungs fólks.

Á hverjum degi

  • borðum við saman

  • lærum við saman

  • hreyfum okkur saman

Námskeið í Reykjavík

Við vinnum með fjölbreyttum hópi fólks úr atvinnu-lífinu sem eru staðráðnir í að fjáfesta í ungum hæfileikum. Starfsþjálfun okkar er samstarfsverkefni Tækifærisins og þeirra atvinnurekenda sem ráða til sín þátttakendur frá okkur. Tækifærið fylgjir fólki eftir á vinnumarkaði í a.m.k. 3 mánuði.

Hingað til hafa þátttakendur Tækifærisins unnið við endurbyggingu húsa, við bændahótel og landbúnaðarstörf utandyra. Þá hafa þeir unnið við bílaviðgerðir og rafmagnsvinnu. Þá höfum við tekið að okkur samfélagslega mikilvæg verkefni eins og undirbúning heimila fyrir úkraínska flóttamenn.

Starfsþjálfun

Útivist og hreyfing (t.d. gönguferðir, fjallgöngur og sund), hollt matarræði og skemmtileg sameiginleg upplifun eru mikilvægur hluti af nálgun okkar. Við viljum nýta tíma okkar úti í náttúrunni og upplifa alla þá kosti sem því fylgja.

Í lok hvers námskeiðs er farið í hestaferð.

Dagskrá

Hafðu samband

Ef þú hefur einhverjar spurningar eða vilt taka þátt í Tækifærinu ekki hika við að hafa samband.

Email: taekifaerid@taekifarid.is